原來我是第一天在台灣【通化街夜市】

我對面位是"為"食的同事，

她時有分台灣的零食給我。

近來醒我屏東皮蛋，

皮蛋震震下，震到口水流

加沙拉醬這食法又幾新鮮。

昨天放工時問佢幾時帶我吃小食

她想一想，

話現在去唔去!

有得食當然食飽飽才回來再工作。

就坐的士去通化街掃街

落車先吃"通化肉圓" 

這店1965年已開業，

在通化街巷內。

肉圓(NT35)有點像潮州粉粿，

個子較大

外皮炸過是QQ但又不油膩，

包著豬肉跟筍，放在甜甜的湯中，

有清香味，加少少麻辣油更香。

再加多碗豬紅大腸湯(NT55)....

有腸的香味又沒有腸的臭油味。

兩樣都good good

click 可看通化肉圓照片

跟住過另一條巷去試小籠湯包。

店樣真係唔會入。

我話.... 咁樣的店你都搵到，

真係服左你啦。

同事點了一籠小籠湯包有八個。

皮很薄，好像較鼎泰豐更薄。

但是個皮就較實，

內裏有菜，味道清淡，

肉和菜香味更出

味道一樣出色。

店名.... 真係無，

有個牌叫平常小籠湯包

跟住又去買炸地瓜，即蕃薯。

脆皮上加上梅子粉，

很有細路時在街邊吃炸蕃薯的感覺。

之後入番夜市(臨江路夜市)

又買左杯仙草飲，即係香港涼茶。

甜份少啱我呢個香港人，

仙草味有d似涼粉。

走在街上有見賣蜜地瓜，

同事說蕃薯上是麥芽糖，

金黃色閃閃下好鬼吸引，

還有一家賣地瓜球和香芋丸。

不過我個肚真係食唔落。

回到通化街又試台式檸檬汁香腸(NT35)。

現在台北比較涼快....

所以唔洗邊走邊吃邊抹汗。

真係好鬼多謝呢位同事放棄做電視兒童

帶我去掃街。

台北其實很多小食好好味，

不過你帶唔到返香港。

所以...無影相，

費事引大家口水流無得吃

<<完>>

這麼近又這麼遠 V15、G21【峭壁洲】

2010年8月8日 & 21日
相機 : Contax G2,
Film & Lens :
Fuji RDP slide +V15,
Kodak Ektar 100 + G21

跟院長出海，影島影石景都唔知點影好?
出來的效果很平淡，平面。
總是失缺了甚麼。

這輯相轉轉口味，
用上旁軸相機。
加上superwide的15、21。
再配不浮誇色彩的銀鹽slide和負片。

近少少影，後景有遠少少的感覺。
這種這麼近又這麼遠的圖片。
好似較接近我在現場看海島的感覺。

這輯相是兩次走峭壁洲。
島如其名:
處處峭壁、危崖、碎石
分別走了一柱擎天和合掌崖。
跟大家分享酷熱天氣下走走拍拍。

#1 遊船仔去穿海蝕洞，左後方是一柱擎天
(有機會要爬去附近看看)

#2 搶灘登岸後的老爺和姐姐

#3 院長領幾個院友在海蝕洞旁登岸，喪登上山，碎石落石處處，
風景卻....從這處看一柱擎天別有味道 (汗味)

#4 大隊由另一處上岸登山，初見峭壁傾海

#5

#6 各自各精采
馬頭石，試膽石、豬仔吸水，中暑石

這個位... 好好玩，就是喜歡現場不同的感覺。

#7危亂石上

#8 峭壁亂石堆前

#9 亂石藏生機

#10 大削壁直瀉，行友沿崖邊走

#11 救完暑暑姐姐的魔盜王合照

#12  熱天下鼠鼠姐姐

#13 咁好天，在峭壁洲不談政治，只論劍

#14 海石灣

8月21日續走合掌崖，去片

#15 院長夫人好自在看風帆，揮揮手先

#16 落番來啦，很少見到院長和夫人攪成一團

#17 合掌崖

#18 落去有幾驚險。看不出來添

#19 唔驚的好好玩，驚的就腳震震

#20 變成了獅子開大口

#21 跟佢玩下打怪獸，小心下面有人打番你地

#22 落到去探探門樓洞。

#23 爬番上合掌崖。

#24 孤身，合掌崖又回復平靜

<<完>>

遊船河，波波池

7月25日又是跟院長出海的日子。
今天帶了枝鏡面有很多花痕，用來放相的鏡頭隨身。
Dallmeyer Enlarging 4" f4.5
心知影風景有雜光鏡頭會很難控制。
不知何解我帶左佢出海不過... 
這會是.... 巧合，還是早有安排，
鏡頭配到我的相機上，院長先以一貫口吻，笑我用的鏡頭相貌很怪誕。
不過以我咁注重內內涵的人最緊要影出來的相係點以2百幾蚊貨仔影到相，你想佢外貌好似小小白咁靚仔咩。
以下是這無鍍鏌的dallmeyer鏡頭拍的相片
就是影了這張相，才想起這頭影水波可以俾我另一種感覺。

#1



最喜愛這幾張，因為魔盜王唔知我影乜鬼，
但表情很自然。
(多謝偉哥)
#2 遠大和自信



#3 從容



#4 深沉


靚姐姐，
你的笑容很親切自然，
又是另一位天生魔盜王。
得意姐叫我唔好嚇親你喎。
咁我出相有無嚇親你?


#5



#6



#7


#8


#9


#10 人像....還是要搵星爺教路。



#11 論到魔盜王，當然以院長為首


#12 隨了影水波，
還有.. 俾我玩左一天的院長



#13 平日跟我一樣要說國語的團友



#14 開心一族開心的一刻



#15



#16 當天辛苦的船長



黑白相的層次和彩色相的顏色是否啱胃口?
<<完>>

浪搖雨打的東平洲

6月27日 (黃雨天)

鴉洲的地裂石塊好吸引
所以跟隊出海，
可惜遇上一連數天的雷雨，
沒有選擇，當然用我肥大身驅去感受雨水的呼召。

在鴉洲走走後再乘大船到東平洲。
離開赤洲水域後浪大船搖，

一邊聽著隊友低沉喚著"天"、"海"、"天"、"海"....
肥M就暈暈地進入了夢鄉中。

"e，我係邊呢" FM2道。

"爸爸，我是你個囡囡，雖然是80後，我好乖既，說話細細聲，不知幾斯文" 少女說

"仲乜鬼..... 點解我突然之間多左個囡囡?????"
我心裏說

我向右望見到得意院友，
她說:
"肥M，佢咪係你前排個大肚腩生出來law，乜你咁快唔記得左"

我眼瞪瞪望下自己的小肚腩。

跟住有杯茶送到我眼前，另一杯俾左得意院友。

"master, 飲杯茶定下經，頭先係東平洲玩到濕晒"

我眼前見到有烏卒卒的Maria，跟住她再拿茶俾囡囡。

乜我唔係坐緊船去東平洲，
點解佢地咁講。

我還未定神，
有個瘦瘦的壞孩子拿住佢部24mm相機走過來，
在LCD營幕展示風雨中的東平洲

說:"這裏便是剛才走過的斬頸洲，黃雨下周圍都變晒瀑布"

我還是濛濛下，才醒起這個壞孩子的爸爸有次跟我說，
"佢成日通山通海走，返夜學又返到夜mama，
好日都見唔到佢。
生仔啦、生仔啦，生舊叉燒食左佢仲好....."
(樓下省200字)

 .......  自此我叫佢做叉燒仔。

叉燒仔續說:
"好在我拉住你，唔係你就沖左唔知去邊，hehe"
他說時指住這張相

我心想，又好似係喎，斬頸洲又大雨又大風，
吹到雨傘也反了，
塊面俾雨水打到痛。我忙跟叉燒仔說多謝。

轉眼又見到maria拿住杯茶俾囡囡，
對她說: "姑爺呢"

有人卻插道:
"囡囡未過門，Maria 妳要叫未來姑爺，知冇?"

囡囡回說:
"佢去左旅行，今日才返來跟我煲粥...hehe..."

我心想，還有"未來姑爺"，唔係呀!!!!
我立時不敢四處看.....

只顧想: "真係攪乜鬼。莫非我去了好一個鬼地方!!!"

跟住又聽到一把笑聲，
我抬起頭來，就見到院長的笑面，

"肥M，暈完船浪未，
執好野跟我行，是時候落船你增肥食午飯。"

原來又是我發夢回到青青院友開心之家。

蟲蟲雜技團【空中飛人】

這次是扯住非常老師去探險。
中間過程不詳談。

但在石澗中行走時聽到這個對話，
覺得幾特別，
跟大家八下
故事人物以A,B替代。

A:努力啦，你FLING過來啦。
B:知道啦，1...2...3.... 好....FLING過來。

A:你要FLING高D啦，再來過。
B:好.....1....2....3.... FLING左上來，你要努力接實先得既。

A:哎呀，差少少，再來過。
B:我再FLING，再FLING，又再FLING。
B (怨聲):喂，哥仔，你要努力接住我，我個身體係空中已經對摺左180度，這次你要接實。

(A和B正在練習空中飛人)

A:人類都可以在空中飛人中接得實，我們蟲蟲有對翼，無理由...(擦擦聲)..唔得...
B: (打斷A的插說)，仲乜有影相聲。

A: 唔理得咁多。你FLING大力D，伸長d，今次一定得
B: EE...EEEE (出盡去大便之力)，我FLING上來。

B: 得左啦，倦死我啦
A: 係呀，終於得左啦，下一步再練蜻蜓點水。

------------------------------------------------

見開蝴蝶交尾交配，
原來小小豆娘交配是咁復雜，
卻又巧妙地合成一個心型圖案。

自然界每每對細心和有耐性的人帶來驚喜。

故事的相片:

1) 雄性尾部夾住雌性頭部

2) 翅膀的作用沒有了，只可以用身體彎曲上去。

3) 佢地FLING左好多次啦
好似空中飛人

4) 齊齊彎曲，終於可以掂到啦
(這次其實是失敗又鬆開)

5) 最後成功了，雌性尾部鈎住雄性受精

6) 另一個角度去睇。

7) 雄性會夾住雌性直至產卵為止，
避免雌性跟其他雄性交配。


隻病虎又SHORT左唔出訂閱。
本想等佢好番先出，

但....
就如那天碰上交配中的豆娘
這篇BLOG留待有緣人看罷


<<完>>