部PC跟我一樣成日SHORT SHORT地，
上相又唔得，之後還要上唔到blog
要返到香港才回覆大家，
繼續寫日誌。
12月22日 杭州
第二日當然是瞓過夠才醒，
好似貓美人無11點都不露。
所以.... 一出門就去搵午餐。
睇本旅遊書話在蘇堤口有間不錯的餐廳，
便坐公車到香格里拉酒店，然後再到蘇堤邊，
怎知只見另一間餐廳，
來來回回走了兩轉，
又問西湖工作的保安員也是找不到。
soso再看書，說在堤口餐廳的外型和窗門有點像書中的圖。
再去看看。只是外牆由白色顏色變到灰色，
和門口的名唔同左。既然來到就試下啦。
好唔好食就唔好提啦。
吃罷半飽後便坐遊船到西湖中的三潭印月走走。
這個人造小瀛洲以湖中有島，島中有湖聞名。
在藍天下走一圈，看看島上的亭台建築也不錯。
#1 : 湖中湖中的九曲橋和亭
#2 : 白牆上的窗框也有故事
#3 : 荷花在冬天全枯了。
#4 : 大片荷花在夏天盛放時一定好壯觀。
回程船可選擇到湖邊不同的碼頭，方便遊客繼續行程。
我們選上往柳浪聞鶯，因為近酒店呀。
因為沒有其他乘客，
我和soso就變相包船遊西湖。
倆在船尾晒晒太陽，回湖邊。
唔知係咪咁樣包船太爽，很快便回到岸邊。
倆續走到西湖天地的"一茶一坐"吃個下午茶。
來填補午飯後的空虛。
#5 : 一杯冰凍的珍珠奶茶和朱古力，
在茶座可用手機上網，
發現google map有教點樣在杭州point-to-point坐公車。
真係好鬼偉大的發現，
本著c9慳錢的本性，
今晚的公車路線就plan好了。
先坐公車到復古的河坊街萬隆買火腿和跟紙一樣薄的腐皮。
然後坐車去張生記食晚餐。
另外有一樣要讚............
杭州的巴士服務好貼心，
在站頭有詳細路線分站表。
還有用wireless lan+gps去locate架巴士係邊，
話你知公車(如8號)在幾遠(850m)和幾耐(3min)才到站。
仲要不等update，真係等車都等得舒服過人。
到了萬隆買完火腿後再去另一個公車站，
在對面馬路見到這一群朋友係度大合照，
我和soso又趁熱鬧走去一齊玩，
hehe... 唔洗搵啦，
我今次臨出門口無帶腳架，無得跟他們一齊影
只可以做攝影師幫佢地影。
之後引埋其他路人一齊玩添。
#6 : 在杭州街頭(青少年雜技學院附近)的雕塑
玩完便坐公車去張生記個條街。
今日真係俾本書點到頭令令，
明明間舖係條街北面，
佢列個街號係南面方向，
攪到我地去完南面，之後返轉頭先搵到。
入到去就點菜，
這裏的餸好大份，雖然無order貴的菜式，
但味道很不錯。
#7 翅湯白菜，火腿味好足!!!!!!
#8 又是湯，濃湯蹄根，上枱時石鍋跟湯仍在沸騰。
#9 : 醬汁蹄圈，又是豬手，好入味。
#10 糖藕片，甜到....入唔到口。
可惜我今天飲完杯朱古力又發作，
頭痛痛、無胃口，好好味的菜都只可以吃幾口就罷了。
