旅遊日誌 - 杭州食的一天

本來想在x'mas前出個聖誕blog，
可公私兩忙，
現己出發聖誕遊

今次我選行公園，吃和瞓、
實行做個公園阿伯養肥自己嘆一番。

第一次在途中寫旅行日誌，
真係新鮮滾熱辣
12月21日 (杭州)

如以往由深圳坐平飛機到杭州，
1點左右已經在西湖邊的漢庭酒店，
放低行李當然是去醫肚。

第一站便是在孤山路的樓外樓。
2個人點了幾味，有叫化雞(即係洪七公鍾意食乞兒雞)

東坡肉(人仔14.8)

講起個東坡肉細細份，但是好鬼甘香，夾住後面塊餅，好食到唔停得口。

食飽左便出去走走西湖這個大公園，先到就近的西泠印社。
雖然多年前跟朋友來過做印章，但對這裏毫無印象，
這次有2個發現。
1) 以前遊杭州時見到很多景點的字是趙樸初題，原來他曾經是社長。
2) 西泠是保存金石，研究印學的地方，內裏也有印學的陳設

#1 : 社長的名字

#2 陳設西湖十景的印扇

#3 其他印版陳設

離開西泠便看到這個3代同堂，由左之右
電動腳動混合版，全腳動，全油動
最有趣是個有朵花花的腳踏板，踏著花騎車一定心花怒放

今天有陽光又不冷，定意走走蘇堤，
見到有新娘影婚紗相，看著新娘在10度下仍然好好姿態，
還有殘荷作背景，忍唔住手又打左幾張。
(這時才痛恨自己懶，沒有帶波波鏡來影殘荷)

影了一陣soso叫我唔好掛住睇靚女啦，走啦，
2人便沿著蘇堤在陽光下散步，好舒服好休閒，
人生有幾多個十年，又有幾多日可以行西湖這種大公園咁舒服。
如果香港有個公園好似西湖咁就好啦。

在湖的一邊有一群不同種的艇手在練習，在陽光下好耀眼。

到了花港觀魚，小朋友又眾精會神，當然是看下面的.....

金魚啦。soso都唔執輸，自帶面包來餵魚。
當然鏡頭下是看不到soso啦

西湖邊除了柳樹外，
也有不少楓葉，可是楓葉的顏色一點紅黃也沒有，
影番張濛濛的楓葉背景相作留意。

冬天太陽下山早，這個是重建後的雷峰塔。
西湖十景便有夕照雷峰，可我沒有上去睇夕陽。

行得有點倦便坐公車回酒店休息一會，
還要加番個遲來的午睡。
晚餐則走到高銀街的丁哥，
因為唔想吃辣，點了蕃薯湯黑魚鍋。
黑魚的肉片一點也不黑，還要是又甜又滑，
比石斑片更甜美，
好食到唔停得口。

(直到今天也要銘謝帶我去金華食黑魚片鍋的朋友，唔係都唔識黑魚係咁好味)

<<寫在蘇州，12月24>>

下篇 : 旅遊日誌 - 杭州食的第二天