赤色之旅 二下 【美麗的鬼手】

話說大家去到鬼手岩，

大部份人都被鬼手岩的暑氣吸乾吸盡，

大隊只好散落在鬼手岩對面的煙肉石下休息。

"如果這裏會有間士多....

有冰凍的汽水，

咁就好啦

乜話......"

係真唔係，

原來船家運送左一箱汽水啤酒過來，

立即變成大家的續命水。

船家不消一刻鐘又要去補貨。

飲飽後山水帶我們上去睇紅色地毯。

在一片紅地毯前，鬼手也在呼喚，

妳扮下型好啦，唔洗跳呀，還有好多石頭等住你睇

去到鬼手的地方，總是有點怪怪的感覺，

突然間有隻手係個窿度伸出來，

原來是隻白鬼手。

莫非是件白色煙肉閃出來，原來是....

另一邊廂，鬼手在煙肉上叠石仔，準備煮太陽石燒煙肉。

一路叠、一路流口水、有石燒煙肉食真係好開心。

飽覽煙肉風光後又要起程，睇下岩石上的天然圖案，

俾我用圓規劃都無咁圖。

今日大水退，不用再爬這個白色石壁，可以輕輕鬆鬆由左面繞過。

又有隻白骨陰陽爪係度等大家，行快d啦，唔係無得見ET啦。

這個似唔似回力標?

鷹咀石

我就覺得這件石有點像2個人頭的雕塑

白色豬仔在前，有豬鼻、豬眼、右耳仔和左手，好似隻豬仔爬在石上。

已經行到無力啦，陰間對我的吸引力一次比一次強。今次無法去睇ET石，唯有等待明年再去探ET。

同行朋友blog

　　山水人士　黃竹角嘴（上）

　　　　　　　黃竹角嘴（下）

　　一生得意　黃竹角咀熱爆遊

　　阿娜　　　黃竹角咀+火紅海岸（上）

　　　　　　　黃竹角咀+火紅海岸（下）

　　剎那之間　黃竹角咀綑邊

 <<完>>

bucket.com/albums/t96/kambobo/twinkle.gif) repeat;">

赤色之旅 二上 【火紅海岸尋鬼手】

2009年9月13日〈日〉悶熱到暈的一天

其實2年前我沒有聽過黃竹角咀，也沒有看過鬼手的相片。

怎料在這2年間卻跟鬼手3次相遇，

咁都是多得隻貓先鋒引左我行山出咀尋鬼手。

第一次行程簡直是輪迴再生，由朝行到晚上11時，
中間又迷路，死去活來，
有今生無來生，仲幸苦過去轉山。

第二次在充足plan和設備下，當然包括攝影器材，
好滿足地影左張水浸鬼手相，在日落前返出來，自己都唔信。

這次跟隊出海線，先偷襲火紅海岸，

然後一路綑、一路綑、綑到大家無氣返上船。

中途可以探探這裏經過四億萬年洗禮的石質，

陪住我們的是奇形怪狀的石頭，

間中有些會扭曲得像軟糖一樣，

真係好佩服大自然的威力。

最恨當天一滴風都無，個天真係想收買人命。

唔中暑都是因為我....

担住把遮、配上貓美人幫我買doramon電風扇，

才把這天的熱暑壓下去。

如果有人幫我影番張相，自己睇番都會覺得幾白痴。

#1 在船上已看到有其他行友上岸，爬上鬼手影相，

大家唔好學，唔係驚你跌落來，係隻手又爛左啦

#2 還有在鬼手附近的鬼面石，後面的綠葉幫佢做個假髮。

#3 上岸地點是火紅海岸，岩石紅得好離譜，唔信就自己睇下

#4 仲有隻好似好好味的海產

#5 貪玩的領隊要試下爬滑石唔落水，佢玩得好盞鬼，想引我落去，no way!!

#6 我們爬來爬去，都係想睇這些紅色的岩石。

#7 行行下見到這條節節懶蟲係度，一瞓可能又是億年。

#8 過了幾個坡，見到這個好似滑浪波型天然牆，天氣暑熱下大家見到後面有陰位就縮入去透透氣，陰間轉眼成為我們最受歡迎的地方

#9 後面有條石隙，唔知係咪通往陰間

#10 行行下石頭轉白色啦，這隻騏驎石

遇上長人窿，大家爭住去玩，一時做頭一時做腳，我玩左張雙頭怪，
影左相可以send個copy俾我嗎?

#11 這張穿晒崩，d腳毛長到嚇死人咩，妹妹嫁唔出搵山水算帳啦

#11a 長人窿變左雙頭怪。

#12 好多時都會見到這類型的石。

#13 加上少少想像力，在此會發現好多怪獸，這裏又有隻大怪獸爬爬啦

#14 大家仲乜企係度掛住影相?

#15 原來d石頭好似木頭咁，仲要生埋年輪一樣。

#16 這個似木雕。

火紅海呆馬戲團正式上演

#17 領隊先示範爬滑梯岩，這裏又直又高，爬一轉、滑一轉，減肥效果可跟高溫yoga相比。

#18 另一個表演飛蟬過海，佢雙手撲開一躍而過，
成隻蟬咁.... 飛完仲要爬番上去haha 。

#19 睇過人類表演，再看大自然的表演，又似煙肉又似肥牛，我成日掛住食。

#20 走在扭曲的岩石上，如果有輕功在身就一身輕，話咁快就飄到鬼手。

#21

#22

#23 辛苦完一輪，終於到了大休地鬼手。

 因為阿虎成日吞噬blog友的相，我都分開2集出，

仲有特別版鬼手出場，歡迎大家再來。

<< 續 >>

漫走的赤洲

09年7月5日

看過赤紅色小島的相片，

心思思加上膽粗粗跟旅行隊去赤洲

出發前一星期落大雨，

己預備今天要來一次雨中赤洲行。

整天就是夾雜住雨水，陽光和雷暴，

最後在碼頭等大船時又晒番乾。

算是一個好豐富的行程。

#1 由小西灣上岸，天氣好好還要有陽光，

#2 一路走到南灣

#3 走到難過水，這個崖內好似好多條赤色魚

#4 大隊另覓山路誇過這個難位

#5 落山後就看到社長稱火星樂園，遍地是好大件的亂石。

因為有些行友唔慣綑邊，行得很慢，

要在此休息一會等大隊。

#6 無聊下又影一舊舊的仙桃石。

#7 還有2個小穴，可我看不到明珠寶匧

#8 再度出發，貓先風一躍便上了千層絶壁，
後來的姐姐你要努力爬啦，唔係後面的叔叔要推你上去

#9 社長今天好努力影相，千壁絶壁像是赤色長城。

落了幾天大雨，赤洲竟然多了條大瀑布，行了不夠一個小時便在此大休。

#10 太陽好晒呀，無得遮陰，有人在此沖涼，可憐在下面取水洗面的人。

#11 在這裏休息了差不多一個小時，無聊下睇有窿窿的石頭

#12 這個防晒裝束係咪好掂呢，不過出發時已開始下雨。

#13 獅王爭霸 - 好似一條小舞獅

#14 到了赤漠迷城，右上好似一座廢棄的城堡

#15 唔知大家走入去睇乜野呢

#16 原來是菊花晶體石

#17 雨越落越大，赤兔馬又要在雨中奔跑。

#18 呢舊係咪似斷開鐵達尼號?

#19 獅身人面石，最攪鬼是有眼和嘴仔。

#20 仲有赤兔石添。

#21 到了全日最難行的棧道奇穴，

大家互相幫助，先打背囊運送過去，然後人再過去。

#22 真人示範點過，個位其實幾窄，要屈低個人先過到，真係有d麻煩。

#23 其實反轉身向後爬落去易d，不過要睇住個頭頂住上面舊石。

#24 有團友見到怕怕，決定走落水偷渡過。

#25 玩完棧道，到了鯊魚口，不過我影得唔似。

之後終於落大雨，又雷暴，大家在鯊魚口等住好耐，有些團友沒遮又無雨衣，變左做落湯雞。

#26 唔知係咪老虎下海?

#27 等左一輪，領隊決定盡快上山到小北灣。

#28 見到終點小北灣的海灘，連沙的顏色都是赤色。

#29 在小北灣又多了條瀑布，可算是赤洲的奇景。

#30 今日淋濕完又乾番，快d返上大船洗番個面。

整輯相都是赤赤紅紅，如果唔怕悶，

可以click以下睇full album

<<完>>